Die huis van Bellermine Mugabe wat in hegtenis geneem is nadat hy na bewering ‘n tuinier geskiet het.
Die seun van voormalige Zimbabwiese president Robert Mugabe, Bellermine Mugabe, is in hegtenis geneem nadat hy na bewering ‘n 23-jarige tuinier by ‘n woning in Hyde Park in die noorde van Johannesburg geskiet en gewond het.
Polisiebeamptes van verskeie eenhede het Donderdag ná die voorval op die luukse eiendom toegesak en hom en nog ‘n persoon in hegtenis geneem, het Dimakatso Nevhuhulwi, polisiewoordvoerder, gesê.
“Polisiehonde soek die geweer,” het sy gesê.
Insiders op die toneel het aan News24 gesê Mugabe se seun het homself aanvanklik in ‘n kamer toegesluit en dat hy later oorgegee het ná onderhandelinge met die polisie.
Hy is geboei en in hegtenis geneem.
Die tuinier is in ‘n kritieke toestand.
Twee bure wat met News24 gepraat het, het beweer die oudpresident se seun het gereeld met sy geweer in die lug geskiet.
Daar word beweer dat hy die tuinier, wat probeer vlug het, agternagesit en geskiet het en naby ‘n buurman se huis neergeval het.
Meer om te volg.
Ontdek die Waarheid
Stap in ‘n wêreld waar die waarheid helder skyn en elke opskrif jou tyd werd is. Met News24 lees jy nie net die nuus nie; jy is deel van ‘n gemeenskap wat kennis en insig waardeer. Dompel jouself in boeiende stories, skerp ontledings en inhoud wat jou voor die koers hou.
