Jaco Wessel Kemp (links) saam met Louis Coetzee en Gert Frederik van der Westhuizen by ‘n vorige hofverskyning.
Jaco Kemp, Louis Coetzee en Gert van der Westhuizen is daaraan skuldig bevind dat hulle Dumisani Phakathi in September 2023 op ‘n plaas in Noordwes doodgeslaan het.
Die drie beskuldigdes het Dinsdag in die Gautengse hooggeregshof in Pretoria verskyn waar hulle aan moord met voorbedagte rade skuldig bevind is.
Regter Portia Phahlane het bevind dat Kemp, Coetzee en Van der Westhuizen almal in gemeenskaplike doel opgetree het toe Phakathi vermoor is, en dat sy liggaam agter op ‘n bakkie gelaai en onder vullissakke versteek is om weggedoen te word.
Die hof het voorts die getuienis aanvaar dat Phakathi op die erf was om water uit ‘n voor te gaan haal en dat hy vir niemand ‘n bedreiging ingehou het nie.
Meer om te volg.
Ontdek die Waarheid
Stap in ‘n wêreld waar die waarheid helder skyn en elke opskrif jou tyd werd is. Met News24 lees jy nie net die nuus nie; jy is deel van ‘n gemeenskap wat kennis en insig waardeer. Dompel jouself in boeiende stories, skerp ontledings en inhoud wat jou voor die koers hou.
