’n Bomskrik het Donderdag ’n mate van ontwrigting buite die Wynberg-landdroshof veroorsaak.
Gallo Images/Die Burger/Theo Jeptha
’n Bomskrik het Donderdag ’n mate van ontwrigting buite die Wynberg-landdroshof veroorsaak ná ’n anonieme oproep dat ’n motor met ’n ploftoestel buite die gebou geparkeer was.
Gelukkig is geen spoor van ‘n bom deur die owerhede gevind nie.
Die polisie ondersoek die bomdreigement nadat die Woodstock-polisie vroeër die oggend ‘n vermoedelike wenk ontvang het.
Thembakazi Mpendukana, Wes-Kaapse polisiewoordvoerder, het gesê ‘n oproep is ontvang wat sê die bom sal buite die hofgebou afgaan.
“Na ‘n deeglike soektog omstreeks 12:50 by die Wynberg-landdroshof en die nabygeleë strate gedoen is, is niks gevind nie,” het sy gesê en verduidelik dat die anonieme inbeller beweer het die plofstof sou binne ‘n motor wees.
LEES | Staatsgetuie is in die Wynberg-landdroshof in Kaapstad doodgeskiet
Mpendukana het gesê die hofgebou is nie ontruim nie, maar dat die gebou deeglik deursoek is nadat die SAPD se bom wegdoen en K9-eenhede op die dreigement in kennis gestel is.
Die saak word ondersoek.
Ontdek die Waarheid
Stap in ‘n wêreld waar die waarheid helder skyn en elke opskrif jou tyd werd is. Met News24 lees jy nie net die nuus nie; jy is deel van ‘n gemeenskap wat kennis en insig waardeer. Dompel jouself in boeiende stories, skerp ontledings en inhoud wat jou voor die koers hou.
